Hjördís Árnadóttir veiktist skyndilega árið 2011 og var lögð inn á spítala eftir sólarhrings veikindi. Í ljós kom að hún var með svæsna sýklasótt sem leiddi til sýklasóttarlosts og þess að taka varð af henni báða fæturna fyrir neðan hné. Hún var þá einstæð, þriggja barna móðir og veik í langan tíma. Veikindi leiddu til örorku og heilsutjóns sem hún er enn að berjast hetjulegri baráttu við. Hjálpar- og farartæki eru henni lífsnauðsyn til að geta tekið þátt í lífinu, lífi barna sinna og samfélagi. Þessum styrktarsjóð er því ætlað að safnað  fé til að styrkja hana til að kaupa nauðsynleg hjálpartæki sem bæta lífsgæði.