Þjónusta ADHD samtakanna er til reiðu fyrir alla landsmenn en í samtökunum eru yfir fjögur þúsund félagsmenn. Aðildin gildir fyrir alla fjölskyldu viðkomandi, enda eru oft margir í sömu fjölskyldu með ADHD. Líklega glíma allt að 25.000 einstaklingar við ADHD á Íslandi í dag - 10.000 börn og 15.000 fullorðnir, mjög margir sem ekki hafa fengið greiningu eða úrræði við hæfi sem gætu stórbætt lífsægði og dregið verulega úr ýmsum samfélagslegum kostnaði; brottfalli úr skólum, vímuefnanotkun, einelti, örorku, lyfjanotkun og ýmiskonar heilbrigðisvanda. ADHD samtökin veita félagsmönnum, öllum almenningi, opinberum stofnunum og fagfólki ýmiskonar ráðgjöf, fræðsluefni og upplýsingar, öllum að kostnaðarlausu og standa jafnframt fyrir öflugu námskeiðahaldi, fræðslufundum og útgáfustarfsemi. Með þínum stuðningi viljum við og getum við, eflt þetta starf enn frekar - öllum til heilla. Heimasíða samtakanna er www.adhd.is

Reykjavíkurmaraþon Íslandsbanka fer fram í ágúst og venju samhvæmt, munu þúsundir þátttakenda hlaupa til góðs og safna áheitum fyrir félagasamtök landsins. Áheitasöfnun hlauparanna í Reykjavíkurmaraþoninu er ein mikilvægasta fjáröflun hvers árs og fyrir ADHD samtökin getur hlaupið skipt sköpum fyrir starfsemi félagsins. Síðast hlupu hátt í 100 einstaklingar með Team ADHD og saman söfnuðu þeir ríflega 1.000.000,- til starfseminnar!

Í ár vonumst við til að gera enn betur en sem fyrr munu velunnarar ADHD samtakanna hlaupa undir merkjum #teamADHD, #takkADHD og #snillingar. Við fögnum hverjum nýjum þátttakanda og bendum á að ekki þarf endilega að hlaupa svo langt til að taka þátt. Allir sem hlaupa 3 km, 5 km, 10 km, 21 km og heilt maraþon geta skráð sig leiks og safnað áheitum. Öll fjölskyldan getur verið með í Team ADHD!

Þeir sem hlaupa fyrir ADHD samtökin geta fengið flottann hlaupabol frá samtökunum, eða Pop it - push up fiktdót að eigin vali sem þakklætisvott. Þegar þú hefur skráð þig í Team ADHD á hlaupastyrkur.is getur þú sent okkur póst á [email protected] og valið þinn þakklætisvott.