Minningarsjóður Bryndísar Klöru var stofnaður til að heiðra og varðveita minningu Bryndísar Klöru Birgisdóttur sem lést í kjölfar hnífaárásar á Menningarnótt í Reykjavík í ágúst 2024.

Tilgangur og markmið Minningarsjóðs Bryndísar Klöru, er að styðja við almannaheillaverkefni sem miða að því að vernda börn gegn ofbeldi og stuðla að samfélagi þar sem samkennd, samvinna og öryggi eru í forgrunni.

Sjóðurinn veitir styrki til verkefna sem vinna að þessum markmiðum, og árleg úthlutun fer fram á afmælisdegi Bryndísar Klöru, 2. febrúar. Upplýsingar um sjóðinn, umsóknir og úthlutanir, má finna á www.mbk.is.

Minningarsjóðurinn er skráður á almannaheillaskrá Skattsins og í stjórn hans sitja:

• Guðrún Inga Sívertsen, skólastjóri Verzlunarskóla Íslands (Formaður)
• Guðni Már Harðarson, sóknarprestur í Lindakirkju
• Dóra Guðrún Guðmundsdóttir, sviðsstjóri hjá Embætti landlæknis
• Iðunn og Birgir, foreldrar Bryndísar Klöru