Við í hlaupahóp Ingva og Viggós ætlum að hlaupa í Reykjavíkurmaraþoni Íslandsbanka í minningu þeirra bræðra og í leiðinni styrkja Afstöðu.

Ingvi Hrafn og Viggó Emil voru báðir á einhverjum tímapunkti í lífi sínu í afplánun og reyndist Afstaða þeim mjög vel. Með því að hlaupa til styrktar Afstöðu þá viljum við sýna félaginu í verki þakklæti og stuðning og vonandi safna smá pening til að létta undir með félaginu.

Viggó Emil lést á Spáni 5. maí 2018 og féll Ingvi Hrafn fyrir eigin hendi í klefa sínum á Litla Hrauni á dánardegi bróður síns þann 5. maí 2024. Það er okkur hjartans mál að sagan endurtaki sig ekki og að fangar fái góða heilbrigðis- og geðheilbrigðisþjónustu á meðan á afplánun stendur.

Markmið Afstöðu er fyrst og fremst að vinna að tækifæri fyrir fanga til ábyrgðar, endurreisnar og að búa þeim skilyrði til farsællar endurkomu út í samfélag manna.