Bjartey Cool hleypur í minningu Bjarteyjar Kjærnested Jónsdóttur fyrir Styrktarfélag krabbameinssjúkra barna. Bjartey var mikil frjálsíþróttastelpa og æfði með Breiðabliki. Hún hafði gaman af allri hreyfingu og voru hlaup engin undantekning. Bjartey greindist með ólæknandi heilaæxli í lok júni 2021 þá 10 ára gömul og lést vegna þess í apríl 2022 aðeins 11 ára. Í veikindaferlinu naut fjölskyldan stuðnings SKB með ýmsum hætti. SKB býður einnig foreldrum barna sem hafa greinst með krabbamein upp á endurhæfingarúrræði í samvinnu við Hæfi sjúkraþjálfun. Þar vinnur þverfaglegt teymi að því að stiðja foreldra sem á þurfa að halda.