Hópurinn ætlar að hlaupa til styrktar Minningar og styrktarsjóðs blóð- og krabbameinsdeilda Landspítlans. Hópurinn hefur á undanförnum mánuðum fengið að kynnast því góða starfi sem unnið er á deildunum og ekki síst því frábæra starfsfólki sem þar starfar. Halli sem er ýmist frændi, bróðir eða faðir meðlima hópsins hefur legið inni á blóð- og krabbameinsdeildum sl. mánuði í erfiðri baráttu við bráðahvítblæði. Hann hefur nú lokið beinmergsskiptum og er á batavegi. Hópurinn mun með söfnun sinni safna fyrir bættum aðbúnaði fyrir aðstandendur á deildunum en oftar en ekki þurfa aðstandendur að dvelja þar löngum stundum.