Ég hef hlaupið hálft eða heilt maraþon og heitið á Styrktarfélag lamaðra og fatlaðra frá upphafi áheitahlaupa í minningu sonar míns, Ara, sem fæddist með klofinn hrygg og dó þriggja daga gamall .Hann fékk því aldrei tækifæri til að vaxa og dafna eða hlaupa og leika sér eins og okkur foreldrana dreymdi um. Þessi sára lífsreynsla gerði mig að betri manneskju og meðan fæturnir bera mig ætla ég að leggja mitt af mörkum og hlaupa til góðs fyrir Ara og alla þá sem geta ekki hlaupið. Ég fer núna með barnabörnunum í skemmtiskokkið þar sem ég get ekki lengur hlaupið.