Minningarsjóðurinn er stofnaður til minningar um Ibrahim Shah. Ibrahim lést í slysi á Ásvöllum í Hafnarfirðinum þann 30. Október 2023 þegar steypubíll keyrði á hann á leið heim af fótboltaæfingu. Ibrahim fæddist þann 9. janúar í á Landspítalanum í Reykjavík árið 2015. Hann var í Waldorfleikskólanum Sólstöfum, Ísakskóla í 1-3. bekk og í Hraunvallaskóla í fjórða bekk þegar hann lést. Hann spilaði fótbolta í Val 2021-2023 og í Haukum haustið 2023. Ibrahim Shah var 8 ára drengur sem lýsti upp heiminn með nærveru sinni. Hann var ótrúlega flinkur í fótbolta og jákvæð sál og missti aldrei af tækifærum til að segja öllum í kringum sig hvað hann elskaði þau mikið. Hann skyldi eftir sig foreldra, 4 systkyni og stóran hóp af frændfólki og ástvinum. Fjölskyldan hans er enn að læra að lifa með þessum nýja raunveruleika og hefur staðið þétt saman með stórt og fallegt bakland en vill núna að heimurinn fái að kynnast Ibrahim og var því Minningarsjóður Ibrahim Shah stofnaður.