Eftir að ég tók ákvörðun um að hlaupa hálfmaraþon í  Reykjavíkurmaraþoninu kom upp sú löngun að styrkja Krabbameinsfélagið. En eins og margir vita greinist ég með heilahimnuæxli á síðasta ári. Dagarnir eftir greiningu voru mér og fjölskyldu minni mjög erfiðir og var þà einstaklega dýrmætt að getað leitað til krabbameinsfélagsins sem að tók vel á móti okkur. Ég er ein af þeim heppnu þar sem að æxlið reyndist góðkynja en engu að síður óskurðtækt. Ég fór því í gamma geislameðferð í Hamburg síðastliðin janúar og nú í dag lítur út fyrir að sú meðferð hafi náð að stöðva vöxtinn og allt fari á hin besta veg :) Aldrei mun ég þó gleyma þessu frábæra starfi sem að Krabbameinsfélagið stendur fyrir. Þar sem að ég er við hestaheilsu ætla ég af því tilefni að hlaupa mitt lengsta hlaup hingað til (hálfmaraþon) og langar að sýna Krabbameinsfélaginu þakklæti í leiðinni með því að styrkja þeirra starf.