Við fjölskyldan fengum ómetanlegan stuðning í Rjóðrinu þann stutta tíma sem elsku Sveinn var hjá okkur. Yndislegt starfsfólk sem dekraði við hann og kom til móts við þarfir okkar. 

Sveinn greindist með sjúkdóminn GM1 gangliosidosis, sem er ólæknandi og afar sjaldgæfur sjúkdómur, lífslíkur aðeins 2 ár. Broskarlinn mikli kvaddi okkur í desember 2013, þá aðeins 18 mánaða gamall. Ári seinna stofnuðum við hlaupahópinn Sveinssprett og hafa vinir og vandamenn lagt sitt af mörkum í Reykjavíkurmaraþoninu, fyrir Rjóðrið í minningu elsku Sveins. 

Nú er Sveinssprettur 10 ára og því mun ég hlaupa 10 km fyrir Rjóðrið í minningu elsku sonar míns.