Ég hleyp með hlaupahópi Ylfu Dísar í Reykjavíkurmaraþoninu í ár til styrktar Gleym-mér-ei.

Hópurinn hleypur til heiðurs minningar Ylfu Dísar Fjeldsted sem fæddist 19. apríl síðastliðinn eftir 36 vikna meðgöngu. Hún vakir nú yfir tvíburabróður sínum og eldri systur. Gleym-mér-ei er styrktarfélag sem styður við foreldra og fjölskyldur líkt og fjölskyldu Ylfu. Þökk sé félaginu og kælivöggu í þeirra eigu gat fjölskylda Ylfu átt með henni fallegar og dýrmætar stundir sem hafa gefið þeim mikið. Kælivaggan var gjöf frá Gleym-mér-ei til LSH og hefur gefið ótal fjölskyldum ómetanlegar stundir með börnunum sínum. Þá fengu þau sérstakann minningarkassa frá félaginu sem hjálpar þeim að varðveita og halda minningunni um litla ljósið sitt á lífi. Gleym-mér-ei heldur úti ómetanlegri starfsemi sem reiðir sig að miklu leyti á framlög almennings og því skiptir hver króna máli í söfnuninni. Ég vil því hvetja alla mína vini til að leggja söfnuninni lið og heiðra með því minningu elsku Ylfu Dísar.