Ætlar þú að hlaupa í Reykjavíkur maraþoninu? Við höfum fengið ómetanlegan styrk í gegnum árin frá hlaupurum á öllum aldri. Þú getur styrkt okkur með þínu hlaupi í ágúst. 

Munum leiðina...

Alzheimersamtökin er félag einstaklinga með heilabilun og aðstandenda og velunnara þeirra. Markmið samtakanna er að gæta hagsmuna skjólstæðinga sinna, efla samvinnu og samheldni með fræðslu, ráðgjöf og útgáfustarfsemi. Einnig að auka skilning stjórnvalda, heilbrigðisstétta og almennings á þeim vandamálum sem einstaklingar með heilabilun og aðstandendur þeirra glíma við frá degi til dags. 

Skjólstæðingar okkar eru greindir með langvinnan sjúkdóm sem veldur því að viðkomandi fljótt mjög háður nánasta aðstandenda sínum, sem oftast er maki og umönnunaraðilum á stofnunum. 

Aðrar helstu áherslur í starfi samtakanna eru því að upplýsa og leiðbeina einstaklingum og aðstandendum þeirra eftir greiningu eða ef grunur vaknar um sjúkdóminn.  Að veita sérhæfða fræðslu til umönnunaraðila og aðstandenda. Að reka dagþjálfanir fyrir einstaklinga með heilabilun. Að reka þjónustumiðstöð fyrir fólk sem er með væg einkenni heilabilunar eða nýgreint með heilabilunarsjúkdóm. Að fræða umhverfið um sjúkdóminn og hegðun einstaklinga með sjúkdóminn þannig að innviðir eins og lögregla, sjúkraflutningamenn, starfsfólk í verslun og þjónustueiningum geti brugðist rétt við í samskiptum við skjólstæðinga okkar. 

Við hvetjum einstaklinga og hlaupahópa til að hlaupa til styrktar samtökunum. Ef þinn hópur vill fræðast meira um heilabilun þá bjóðum við upp  á fræðslu ykkur að kostnaðarlausu, hafið samband okkur á [email protected]. 

Opnum umræðuna um heilabilun í okkar nærumhverfi og verum virkir þátttakendur í að minnka félagslega einangrun fólks með heilabilun og auka þannig lífsgæði þeirra. Þau sem hlaupa í Reykjavíkurmaraþoni fyrir Alzheimersamtökin hlaupa í leiðinni fyrir alla okkar skjólstæðingar. 

Allir hlauparar fá bol frá samtökunum og annan glaðning. Sjá allar upplýsingar á heimasíðu okkar www.alzheimer.is eða á Facebooksíðu okkar: Alzheimersamtökin.

Munum leiðina....  Takk fyrir stuðninginn!