Hlaupastyrkur

Einstaklingar

Í Reykjavíkurmaraþoni Íslandsbanka geta einstaklingar valið að hlaupa eftirfarandi vegalengdir:

• Maraþon (42,2 km)
• Hálfmaraþon (21,1 km)
• 10 km
• 3 km skemmtiskokk

Hér á hlaupastyrkur.is er hægt að heita á þá hlaupara sem hafa valið að hlaupa í þágu góðs málefnis.
Allar nánari upplýsingar um Reykjavíkurmaraþon Íslandsbanka má finna á www.marathon.is/reykjavikurmaraton  en þar fer jafnframt fram skráning í hlaupið.

Boðhlaup

Árið 2010 var í fyrsta sinn í sögu Reykjavíkurmaraþons boðið uppá boðhlaup þar sem tveir til fjórir hlauparar geta skipt á milli sín maraþoni (42,2 km). Þessari nýju keppnisgrein var vel tekið og því líklegt að hún sé komin til að vera í Reykjavíkurmaraþoninu. Hér á hlaupstyrkur.is er hægt að heita á þau boðhlaupslið sem hafa valið að hlaupa í þágu góðs málefnis.

Leiðin
Í boðhlaupinu er hlaupin sama leið og maraþonhlaupararnir hlaupa, byrjað og endað á sama stað. Heilu maraþoni er skipt upp í fjóra leggi í boðhlaupinu. Þrjár skiptistöðvar eru á leiðinni, eftir 10 km, 20 km og 30 km. Skiptistöðvarnar eru staðsettar rétt á eftir millitímamottunum.
Ef fjórir hlaupa saman þá hlaupa fyrstu þrír 10 km en síðasti hleypur 12,2 km. Í liði sem samanstendur af tveimur hlaupurum hleypur sá fyrsti 20 km en sá síðari 22,2 km. Hlauparar þurfa sjálfir að koma sér til og frá skiptistöðva.

Þátttakendur
Boðhlaupið getur hentað fjölbreyttum hópi fólks. Þeir sem hafa hlaupið hálft maraþon en treysta sér ekki í heilt maraþon geta t.d. hlaupið 30 km og fengið félaga til að hlaupa síðustu 12,2 km. Einnig getur boðhlaupið verið hentugt fyrir þá sem vilja hlaupa 10 km en langar að hlaupa aðra leið heldur en 10 km hlaupararnir fara. Þá getur fjölskylda maraþonhlaupara einnig sýnt sínum hlaupara stuðning með því að skiptast á að hlaupa við hlið hans og taka þátt í boðhlaupi um leið. Aldurstakmark í boðhlaupið er 12 ár.
Nánari upplýsingar um Boðhlaupið má finna hér.